Ndërtimet e paligjshme në kryeqytet disa vite më parë nuk kursyen as lumin e Lanës. Dhjetra ndërtesa e kishin pushtuar atë në të gjithë gjatësinë e tij.
Vec pamjes aspak normale këto ndërtime patën krijuar një ndotje të paparë. Banjot e lokaleve, hedhja e mbeturinave, frekuentimi nga njerëzit për nevoja personale, shtëpitë dhe dyqanet e bënë Lanën një kanal të ujërave të zeza. Vec erës së rëndë Lana ngjante një shëmti në mes të metropolit.
Jo vetëm kaq. Pikërisht në këto objekte, gjithëfaëllojesh, kryhej prostitucion, konsumohej lëndë narkotike, fshihej armatim i ndryshëm, lulëzonin bastoret, etj.
Ish kryetari i Bashkisë Tiranë, Edi Rama, Kryeministri aktual, ndërmori aksionin e kthimit të Lanës në një lum të pastër dhe të bukur. Pak shqiptarë e besonin se Lana do të ndryshonte, sic ndodhi realisht.
Ata që mbajnë mend gjendjen e Lanës vite më parë dhe shohin ndryshimin e realizuar kuptojnë sa shumë është investuar për kthimin e lumit në normalitet.