Breshka jetonte në pallatin luksoz të perandorit nigerian, ajo kishte një kat të tërin të sajin, si dhe një staf personal që kujdesej për të tëra shërbimet që i nevojiteshin.
Breshka e cila konsiderohej si më e vjetra në tokë, ka ngordhur në moshën 344-vjeçare.
Breshka e gjendur në Nigeri, jetonte në pallatin luksoz të perandorit nigerian, ajo kishte një kat të tërin të sajin, si dhe një staf personal që kujdesej për të tëra shërbimet që i nevojiteshin breshkës.
Breshka e quajtur Alagba, që domethënë “më e lashta”, ishte një burim i përditshëm turistësh, si dhe përdorej për të pritur monarkët e ndryshëm që vizitonin pallatin perandoriak.
Breshka ishte sjellë në pallatin e perandorit, që kur ishte vetëm disavjeçare, dhe brezat e ardhshëm e kishin kthyer në një traditë rritjen e saj dhe kujdesin për të.
I gjithë stafi i pallatit, përfshirë edhe sunduesin e tij, Oba Jimoh Oyeëumi Ajagungbade III, janë mërzitur thellësisht për humbjen e saj, si dhe janë duke kryer ceremonitë e pas ngordhjes.
Breshka do të balsamoset, dhe do të jetë pjesë muzeut historik në Afrikë.
Me ngordhjen e saj, statusi i breshkës më të vjetër në botë, i shkon një breshke në Kalkuta, e cila quhet Adëaita dhe është plot 250 vjeç.
