”Arrest me burg” është masa e sigurisë që u caktua këtë të mërkurë nga gjykata e Vlorës për dy të rinj, të cilët akuzohen për abuzim seksual ndaj një 26-vjeçareje. Oltjan Tahiri dhe Albi Ceno, të cilët gjatë qëndrimit në sallën e gjyqit, ishin me kokat ulur për të shmangur kontaktet me mediat. Në kërkim është shpallur Gentjano Mehmeti dhe një 36-vjeçar.
Gjithçka nisi të shtunën, ku një 26-vjeçare u paraqit pa ndenja në urgjencës së Vlorës. Ishte recepsionisti i një hoteli që njoftoi rastin në fjalë, se një vajzë ishte pa ndjenja në hotel. Pas 24 orësh, e reja u përmend dhe tregoi në lidhje me ngjarjen. Ngjarja në fjalë duket se ka marrë përmasa edhe më të mëdha, pasi në konflikt është përfshirë dhe një gazetare, e cila raportoi për rastin.
Në rrjete ka qarkulluar emri i djalit të drejtuesit të medias lokale, si i përfshirë në ngjarje dhe ky i fundit ka akuzuar me nota fyese në një postim të faqes së televizionit lokal gazetaren se ka qenë ajo që e ka nxjerrë këtë gjë. Ndërkohë, sipas drejtuesit të mediat, e vërteta është që djali vijon të jetë në burgun e Lushnjës pas një dënimi që ka marrë. Pronari i televizionit lokal në Vlorës, përveç postimit në rrjetet sociale, mësohet se i ka dërguar gazetares dhe një mesazh me përmbajtje kërcënuese ”Jemi në gjak”.