Një ngjarje e rëndë ka ndodhur në orët e para të mëngjesit të ditës së sotme. Një 55-vjeçar ka ndërruar jetë pasi është shkrumbuar nga flakët që përfshinë banesën e tij. Policia informon se ngjarja tragjike ka ndodhur në orën 06:20 në lagjen ‘Pavarësia’ në Vlorë.
Dyshohet se viktima i cili jetonte i vetëm vuante nga shëndeti mendor. Grupi hetimor ndodhet në vendngjarje dhe po punon për zbardhjen dhe përcaktimin e shkakut të zjarrit.
NJOFTIMI I POLICISË:
Më datë 13.01.2022, rreth orës 6:20, në lagjen “Rilindja”, Vlorë është përfshirë nga flakët banesa e shtetasit Gj. B., rreth 55 vjeç, i cili jetonte i vetëm dhe vuante nga shëndeti mendor. Si pasojë e flakëve ky shtetas ka humbur jetën. Grupi hetimor ndodhet në vendngjarje dhe po punon për zbardhjen dhe përcaktimin e shkakut të zjarrit.