Kushtet e motit janë përkeqësuar dhe kjo ka bërë që autoritetet të ndalojnë lundrimin për disa mjete në Adriatik. Duke filluar nga ora 09:00 e ditës së sotme, era do të ketë drejtimin Jug-Jug-Lindje, me shpejtësi ere 15-20 m/s, në forcën 6-7bft dhe lartësi dallge nga 2.00 deri 3.00 metra.
Për pasojë, Drejtoria e Përgjithshme ka ndaluar lundrimet për të gjitha mjetet e vogla lundruese. Ndërsa, anijet e peshkimit që operojnë do të njoftohen për marrjen e masave të sigurimit. Nga ana tjetër, anijet e transportit ndërkombëtar detar do të vazhdojnë të operojnë normalisht sipas destinacioneve.
Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 16:00 të së shtunës.