Reshjet kanë pushuar tashmë në Shqipëri këtë të premte, por qarku i Shkodrës vijon të mbetet nën ujë. Kreu i Emergjencave Civile Haki Çako është shprehur se situta është rënudar ndërsa tha se ishte një situatë e parashikuar.
Çako pohoi se ka pasur një rritje të nivelit të prurjeve në Liqenin e Shkodrës, duke bërë që banesa apo toka në zonën e Dajçit, Anën e Malit, të përmbyten.
“Ka një situatë të rënduar tashmë, e parashikuar dhe nga IGJEUM dhe shërbimet sinoptike. Ngarkesat e shumta në Mal të Zi dhe Malësinë e Madhe do të ngarkonin prurjet në Liqenin e Shkorës. Vetë puna ka instensitet shkarkimi, ndaj kjo ka sjellë rritje të nivelit të ujit në Nënshkodër, në Anë të Malit dhe në Dajç dhe zona të tjera që janë në periferi të lagjeve që kufizojnë me liqenin e Shkodrës.”, tha ai. Ndërkohë, pyetjes nëse ka familje të bllokuara mes ujit në banesat e tyre, Çako tha se jo.
Sipas tij të gjitha forcat janë në gatishmëri në terren, për t’ju ardhur në ndihmë banorëve të zonave të përmbytura. Po ashtu Çako tha se është marë vendimi nga sekretariati i Digave që të ulen shkarkimet e HEC-ve deri në përmirësimin e situatës.
“Banorë të bllokuar nuk ka, por prezencë të ujit ka në disa banesa, në disa lagje në zonën e Dajçit dhe zona të tjera. Në terren janë FA-të, Emergjencat civile, policia, është tashmë në krye të detyrës për t’ju ardhur në ndihmë banorëve. Jemi në pritje të uljeve të nivelit të ujerave dhe më pas do të bëhet vlerësimi i dëmeve dhe kompensimi i tyre. Sapo u mbyll një takim i Sekretariatit të Digave, ku u vendos që të ulje shkarkimi i digave. Që do të thotë se do të krijojë lehtësira për shkarkimin e Bunës dhe Fierzë dhe Gjadër. Shkarkimet nga Drini kanë shkuar në 200 metër kub në sekondë. Shpresohet se moti, ndonëse me temperatura të ulëta, të favorizojë largimin e ujërave.”, deklaroi Çako.
Ndërkaq, kreu i KESH Benet Beci ka mbledhur sot Sekretariatin Teknik të Komisionit të Posaçëm të Trajtimit të Plotave, në lidhje me situatën e përmbytjeve në vend.
Beci shprehet se gjatë mbledhjes u vendos ulja përsëri e shkarkimeve me 300 m3/s nga Heci i Vaut të Dejës.
“Do të ulim përsëri shkarkimet me 300 m3/s nga Heci i Vaut të Dejës. Qëllimi është që të mos ketë impakt në zonën e nën Shkodrës”, tha Beci.
Zona më problematike nga përmbytjet është Shkodra. Ndërkaq, bashkia e qytetit verior ka publikuar me hollësi, edhe gjendjen nga përmbytjet në njësitë përkatëse administrative.
Bashkia e Shkodrës ka bërë bilancin ku më e rënduar situata është në Obot.
Sipas njoftimit të bashkisë së qytetit verior, si pasojë e përmbytjeve ka shtëpi të izoluara, rrugë të bllokuara dhe shërbimet të tëra kanë dalë jashtë funksionit.
Njoftimi i plotë:
SHKODËR
Nga monitorimi periodik në terren ditën e sotme datë 12.02.2021,ora 08.30, situata e përmbytjeve në terren vazhdon të jetë si më poshtë:
Hidrometri në Dajç në orën 08.30, shënon kuotën 7 m.(Kuota max 6.30 m). Në krahasim me raportimin e ditës së djeshme, kemi rritje të nivelit të ujit me 4cm.
Hidrometri i Liqenit të Shkodrës në orën 08.30, shënon kuotën 9.35 m.(Kuota max 8.70 m).Në krahasim me raportimin e ditës së djeshme, kemi rritje të nivelit të ujit me 13cm.
Hidrometri i lumit Drin në orën 08.30, shënon kuotën 7.35 m. (Kuota max 7.50 m). Në krahasim me raportimin e ditës së djeshme, kemi rënie të nivelit të ujit me 15cm.
Bashkia Shkodër
Sipërfaqe totale e përmbytur 5370 Ha
Tokë e pakultivuar 1100 Ha
Foragjere të dyta, jonxhe 3850 Ha
Grurë 240 Ha
Bimë Dekorative 127 Ha
Pemtore 50 Ha
Serra 3 Ha
Nj.A. Ana e Malit
Rruga e Obotit është e bllokuar. Niveli i ujit mbi rrugë arrin rreth 150 cm.
Në fshatin Obot ka prezencë uji në oborre 140cm.
Ujësjellësi Oblika 1,si pasojë e përmbytjeve është jashtë funksionit.
UKSH Vazhdon të furnizojë me ujë të pishëm banorët e fshatit Oblikë
Sipërfaqja e tokës bujqësore e përmbytur vlerësohet në 1300 Ha, kryesisht në fshatrat Obot, Muriqan, Oblikë, Velinaj, Shtuf.
Tokë e pakultivuar 220 Ha
Foragjere të dyta, jonxhe 980 Ha
Grurë 50 Ha
Pemtore 40 Ha
Bimë dekorative 7 Ha
Serra 3 Ha
Shtëpi të përmbytura 8.
Në disa toka bujqësore niveli i ujit arrin në 2 – 3m.
Ujesjellësi Oblika 2 i bllokuar nga uji ( jashte funksioni)..
Rruga Goricë është e pakalueshme me mjete të ulta. Niveli i ujit mbi rrugë arrin rreth 50 cm.
Gjëndja e vështirë në lagjen Gallube, fshati Oblikë ( përmbytur garazhe e stalla bagëtish)
Garazhe e stalla bagëtish të përmbytura në fshatin Muriqan.
Ne fshatin Muriqan ( Lagja Xhakaj e Kyrtaliaj 2 shtepi me prezence uji).
Makina e Ushtrise në gatishmeri tek Lagja Goricë
Varkat e ushtrise F.A reparti BMR Tirane janë në gatishmeri (sipas nevojave) tek ura Sadiçit (fshati Obot).
Fshati Obot ne gjendje te jashtezakonshme rrezikshmerie!
Nj.A Dajç
1.Sipërfaqja e tokës bujqësore e përmbytur vlerësohet në 1900 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat:
Tokë e pakultivuar 380 Ha
Foragjere të dyta, jonxhe 1300 Ha
Grurë 100 Ha
Bimë dekorative 120 Ha
Rruga që lidh fshatrat Shirq- Darrgjat është e bllokuar. Ka prezencë uji rreth 150 cm.
Shtëpi të përmbytura 9
131 shtëpi kanë prezencë uji në oborre.
Në disa toka bujqësore niveli i ujit arrin në 2 m.
Rruga në lagjen Mazia-fshati Suka Dajç është e pakalueshme me mjete të ulta.
Është e pakalueshme rruga Belaj- Pentar, vetëm me mjete të larta të ushtrisë.
Rruga kryesore e Darragjatit e kalueshme vetëm me mjete të tonazhit të lartë
Në rrugën kryesore të Dajçit është vështirësuar jashtëzakonisht lëvizja me vetura si dhe në aksin nacional Dajç- Velipojë
10.Kërkohet që të lihet në dispozicion një mjet ushtrie për komunikimin e banorëve me rrugën kryesore.
Makina e Ushtrisë në gatishmëri tek Dispeçeri Mushan.
Nj.A.Velipojë
1.Sipërfaqja e tokës bujqësore e përmbytur vlerësohet në 350 Ha.Kryesisht fshatrat Baks i Ri, Luarz. Ças, Reç i Ri.
Tokë e pakultivuar 110 Ha
Foragjere të dyta, jonxhe 240 Ha
Në 8 shtëpi ka prezencë uji në oborre.
Nj. A. Guri i Zi
Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
1.Sipërfaqja e tokës bujqësore e përmbytur vlerësohet në 1200 Ha, konkretisht në fshtrat Trush, Berdicë e Siperme, Berdice e Madhe.
Të pakultivuara 230 Ha
Foragjere të dyta, jonxhe 880 Ha
Grurë 90 Ha
2.Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
50 Shtëpi janë të rrethuara nga uji ( kryesisht në fshatin Trush).
4.Rruga Malsorët e Mullinit me gjtësi rreth 150 m, ka prezencë uji rreth 50-60 cm.
5.Ka prezencë uji në lagjet Maksuti, Qokthi, Tula, Xhurreta, dhe rruga e Bastanishtes ( e pa kalueshme me mjete të ulëta).
Nj.A.Rrethina
1.Sipërfaqja e tokës bujqësore e përmbytur vlerësohet në 620 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç
Tokë e pakultivuar 160 Ha
Foragjere të dyta, jonxhe 450 Ha
Pemtore 10 Ha
70 shtëpi kanë prezencë uji në shtëpi.
Lartësia e ujit në rrugën e hidrovorit është 30 cm
4.Mjeti ushtrisë vazhdon që të jetë në gatishmëri tek hidrovori Dobraç për çdo nevojë eventuale që mund të kenë banoret.
Lagje Nr.1
Eshtë përkeqësuar ndjeshëm situata nga përmbytjet në zonen e Livadheve. Si pasojë e përmbytjeve, rreth 200 shtëpi kanë prezencë uji në oborre, 5 familje kanë prezencë uji në banesa ( 3 familje zona e livadheve), (2 familje zona e ish Zukthat).
Lagje Nr.4
Eshtë përkeqësuar ndjeshëm situata nga përmbytjet në lagjen Ajasëm. Si pasojë e përmbytjeve nga rreshjet e shiut, 2 familje kanë prezencë uji në banesa dhe 8 familje kanë prezencë uji në oborre.
-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “përroit të kufirit” Muriqan në Nj.A Ana e Malit.
-SITUATË EMERGJENTE.KËRKOHET MBËSHTETJE ME BAZË USHQIMORE, SASIA 640 TON PËR GJËNË E GJALLË (KONCENTRAT) PËR NJ.A. ANA E MALIT, DAJÇ DHE RRETHINA.