Të paktën dy persona kanë humbur jetën dhe tre të tjerë të zhdukur pas reshjeve të dendura të shiut që sollën përmbytje katasrofike në Kili. Përmbytja bllokoi rrugët dhe detyroi mijëra persona të evakuoheshin menjëherë, ndërsa situata e motit përshkruhet më i keqi në një dekadë.
Presidenti Gabriel Boriç vizitoi rajonin e prekur nga përmbytjet, ku të paktën 419 njerëz mbetën të pastrehë dhe 1,002 të tjerë u evakuuan në vende të sigurta për shkak të fatkeqësisë.
Autoritetet paralajmëruan gjithashtu banorët që të kenë kujdes, duke raportuar se reshjet e dendura dhe rreziqet e përmbytjeve do të vazhdojnë edhe për pak kohë.
Ndryshimet klimatike po nxisin gjithnjë e më shumë motin ekstrem. Shirat vijnë disa muaj pas një periudhë zjarresh dhe thatësire të madhe që shkatërruan qindra shtëpi dhe lanë dhjetëra të vdekur në Kili.