Reshjet e rëna mëngjesin e kësaj të shtune krijuan vështirësi për qarkullimin e automjeteve në disa rrugë të vendit.
Shiu i rrëmbyeshëm, por edhe hapja e portave të hidrocentralit të Vaut të Dejës deri në mesditë, përkeqësuan edhe më shumë situatën në veri të vendit.
Në Shkodër janë ende 3 mijë hektarë tokë nën ujë, ndërsa prezencë uji ka edhe në banesa, oborre e stalla.
Situata paraqitet problematike edhe në Lezhë, aty ku 570 hektarë tokë vazhdojnë të jenë të mbuluara nga uji. Ndërkohë në Milot, ujërat kanë vërshuar në afërsi të dy banesave.
Gjithashtu, reshjet intensive të shiut përfshinë edhe Tiranën.