Reshjet e shumta të shiut kanë krijuar probleme edhe në rrugët nacionale të qarkut Dibër. Më problematike situata paraqitet në rrugën e Arbrit, kryesisht në by-passin e Murrizit, segmentin e Xibrit dhe Bulqizë- Maqellarë.
Si pasojë e reshjeve intensive të shiut në afërsi të urës së Çerenecit ka pasur herë pas here gurë të mëdhenj në rrugë, ndërsa vetë ura është e mbushur me ujë.
Është bërë bllokimi i kanaleve anësore të rrugës dhe shkarkuesve mbi urë. Po ashtu, rënie gurësh dhe vështirësi qarkullimi ka pasur edhe në aksin tjetër nacional Burrel-Skuraj, kryesisht në segmentin e Shkopetit.