Prej disa ditësh disa shtete të Evropës , si Gjermania, Holanda dhe Belgjika janë përfshirë nga reshje të shuma duke shkaktuar 133 viktima deri më tani.
Në Gjermani situata është më alarmante, pasi disa qytete janë përmbytur tërësisht dhe numri i viktimave sa vjen e shtohet. Mediat kanë nisur të publikojnë dhe fotot e personave që rezultojnë të zhdukur. Sot, në listën e personave që mungojnë, që nuk po kontaktohen dot, është edhe një zonjë shqiptare e quajtur Diana Janko, 60 vjeçe, nga Këlni.
Atë e kërkon Grigor Nikolla, 40 vjeç, nga Shqipëria, i cili e ka pasur bashkëbisedimin e fundit me të me video në Facecook disa ditë më parë.
“Nuk mund ta arrij më, ne flisnim me njëri-tjetrin çdo ditë në video-thirrje në Facebook. Ajo nuk më telefonon më, informacioni im i fundit ishte se ajo donte të shkonte në spital,” ka thënë ai. Nuk dihet lidhja midis tyre, por në fotografinë e dhënë nga z. Nikolla ata janë të përqafuar.