Aksidentohen dy automjete në segmentin drejt fshatit Torovicë të Lezhës. Bëhet me dije se shkaku i aksidentit ishte lëvizja jo e kujdesshme e automjetit tip Benz në rrugën e ngushtë, duke mos mbajtur anën e duhur në kthesë.
Pas kësaj Benzi u përplas me një fuoristradë. Si pasojë e aksidentit kanë mbetur të plagosur shoferi dhe pasagjerja e Benzit, të cilët ndodhen në spitalin e Lezhës jashtë rrezikut për jetën.