Dy makina janë përplasur në Rrugën e Arbrit e për pasojë kanë mbetur të plagosur drejtuesit e dy mjeteve.
Sipas policisë janë përplasur automjeti me drejtues shtetasin J. A., 34 vjeç, me automjetin me drejtuese shtetasen D. M., 38 vjeçe. Dy drejtuesit e automjeteve ndodhen në spital dhe janë nën kujdesin e mjekëve, jashtë rrezikut për jetën.
‘Më datë 24.01.2023, në Rrugën e Arbrit, janë përplasur automjeti me drejtues shtetasin J. A., 34 vjeç, me automjetin me drejtuese shtetasen D. M., 38 vjeçe.
Si pasojë e aksidentit janë dëmtuar të dy drejtuesit e automjeteve dhe ndodhen në spital, nën kujdesin e mjekëve, jashtë rrezikut për jetën. Grupi hetimor po punon për sqarimin e rrethanave të aksidentit.’- njofton policia.