Të paktën 12 persona kanë mbetur të plagosur si pasojë e një aksidenti hekurudhor në Britani.
Mediat raportojnë se dy trena pasagjerësh janë përplasur dhe një tjetër ka dalë nga shinat pas një incidenti pranë një kryqëzimi hekurudhor në Wiltshire.
Sipas mediave britanike, ekuipazhet e urgjencës nxituan në vendngjarje në tunelin Fisherton midis Andover dhe Salisbury pas përplasjes që ndodhi rreth orës 19:20 të mbrëmjes.
Ndërkohë raportohet gjithashtu se një nga drejtuesit e trenave është bllokuar brenda kabinës.