Partia Demoraktike vijon që të jetë e përçarë edhe në rrugën sesi do të vijohet më tej. Pas një takimi të zhvilluar paraditen e së hënës me grupin parlamentar, u ra dakord që procesi i zgjedhjes së strukturave të reja të mos jetë i nxituar, i njëanshëm dhe që nxit përçarjen duke thelluar ndasitë brenda Partisë Demokratike.
Madje vetë Gazment Bardhi tha se ishte i gatshëm të ulej me këdo brenda demokrateve, përfshirë edhe Sali Berishën. Por ndryshe ka ndodhur gjatë pasdites pas një takimi që Bardhi ka pasur me Kolegjin e Kryetarëve të degëve në rrethe të kësaj partie.
Në një deklaratë për mediat, thuhet se partia duhet pa asnjë vonesë të zgjedhë kryetarin e saj dhe të nisë organizimin dhe përzgjedhjen, të ekipeve që do ta drejtojnë këtë parti drejt zgjedhjeve të ardhshme. Ndryshe nga deputetët që kërkuan kohë, krerët e degëve thonë se partia nuk mund të vazhdojë të qëndrojë më gjatë pa kryetar madje ai duhet të zgjidhet brenda 15 korrikut.