Ish-konkurrentja e Për’puthen, Alvisa Qarri ka folur për opinionistin Arjan Konomi, me të cilin ka pasur shume debate në periudhën kur ishte në emision.
Alvisa thotë se sjellja e Arjanit ndaj saj ka qenë shumë e ulët dhe ofenduese dhe se në këtë mënyrë opinionisti ka treguar edukatën e tij.
“Ishte personale nga ana e tij mendoj unë, di që një opinionist vendoset në atë status sepse është me intelektual më i zgjuar, i kalon debatet me ato manipulimet e veta me zgjuarsi. Por Arjani ka bërë të kundërtën të paktën me mua, me ofendime. Me një nivel shumë të ulët, që nuk ishte e hijshme për atë. E ka pasur personale. Nuk dua të përmend njerëzit e këqij, ja kam lënë 2021, tani jam duke shijuar 2022. Por që thjesht ai tregoi veten e vetë. Unë kam treguar edukatën time familjare pa ofenduar askënd me qetësinë time. Ndonjëherë kam debatuar pak sepse është mbushur kupa. Por prapë kam qenë diplomate, sepse ashtu jam unë. Nuk kam çfarë t’i them, ka treguar veten e vetë.”, tha Alvisa.
Nga ana tjetër partneri i Alvisës me të cilin dolën çift nga emisioni thotë se nuk ka asgjë personale me Arjan Konomin.
“Me Arjanin nuk kam pasur arsye për të debatuar, deri sa unë dhe Alvisa e bëmë lidhjen tonë më serioze. Në momentin që e bëmë serioze njohjen hyra dhe unë në mes të territorit ku ishte përfshirë Arjani, konflikt interesi i them unë. Aty filloi diçka me të. Por me mua Arjani nuk ka asgjë personale, as unë me atë.”, tha Bashkimi.