Pak ditë më parë në emisionin “Për’puthen” ndodhi një situatë e pazakontë pasi për herë të parë janë përballur analisti i programit dhe një konkurrente.
Për të gjithë tensionin e krijuar prej kohësh mes tyre, Sindi dhe Arjan Konomi janë vënë përballë njëri-tjetrit.
Ajo që spikati në bisedën e tyre ishte deklarata e Sindit, e cila u shpreh se komentet e analistit kanë qenë shkaku përse nuk i kanë shkuar mirë takimet me djemtë dhe tani nuk është e përputhur me asnjërin prej tyre.
Përballja e tyre ishte e ashpër, mirëpo më e ashpër ka qenë pjesa që nuk është transmetuar në ekran. Opinionisti i “Për’puthen Prime”, Meridian Ramçaj, ka treguar nëpërmjet një story në llogarinë e tij në Instagram çfarë ka ndodhur vërtetë në përballjen e tyre.
Ai ka treguar se në prapaskenë, Arjani e ka quajtur Sindin rrugaçe, duke i gjykuar gjithashtu edhe familjen e saj. Mirëpo, këto pjesë nuk janë transmetuar për publikun, megjithëse kamerat janë gjatë gjithë kohës të ndezura edhe në prapaskenë.