Dubai jemi mësuar ta shikojmë si vendin e pushimeve përrallore ku shkojnë njerëzit e pasur dhe Vipat shqiptarë. Një vend me çmime të kripura dhe ku jeta e luksit është gjithandej. Por Dubai është kthyer edhe si “strofka” e të shumë kërkuarve nga policia shqiptare. Njerëz të fuqishëm me para të ardhura nga “bota” e krimit.
Kujtojmë se ditën e djeshme Florenc Çapja, është arrestuar në Dubai. Ai shte një nga njerëzit më të kërkuar nga policia, së bashku me Ardjan Çapjan në vitin 2012 dyshohet se kanë urdhëruar vrasjen e Gentian Beqiri dhe Nezir Beqiri (babë e bir). Ai është i dyshuar gjithashtu për tentativën e vrasjes së Fadil Memes, një krim i ndodhur në vitin 2006.
11 dhjetor 2020- Plarent Dervishaj , ish-anëtar i Bandës së Durrësit, i shpallur në kërkim ndërkombëtar me urdhër të (SPAK), për vrasjen e Klodian Saliut është arrestuar në Dubai. Ai është liruar për faktin se Shqipëria nuk ka një marrëveshje ekstradimi me Emiratet e Bashkuara Arabe. Në 21 janar autoritetet e Dubait i kanë bërë shkresë autoriteteve shqiptare duke i bërë e ditur se kane 30 ditë kohë për të sjellë shkresë zyrtare mbi ekstradimin e Dervishajt. Mirëpo ndonëse afati nuk ka përfunduar, ai u la i lirë.
17 shtator 2020- Eldi Dizdari, një nga personat e përfshirë në vrasjen e 4 tetorit në ish-Bllok në vitin 2018 është arrestuar pas 2 vitesh. Ai ka rënë në pranga në Dubai gjatë një operacioni ndërkombëtar antidrogë. Ai është bashkëshort i ish-missit shqiptar të njohur Suada Sherifi.
Duket se jeta e luksit është një vend tërheqës për “bosët” e krimit shqiptar të cilët duket se po krijonë ose e kanë krijuar bazën e tyre në Dubai.