Një 51-vjeçar ka rënë në prangat e policisë, pasi dyshohet se kishte përshtatur lokalin për përdorim dhe shitje të lëndëve narkotike në qytetin e Lushnjës.
Gjatë kontrollit fizik në ambient, policia gjeti dhe sekuestroi kokainë, e ndarë në doza, gati për shitje, si dhe 2 celularë.
“Kishte përshtatur lokalin për përdorim dhe shitje të lëndës narkotike, kapet dhe vihet në pranga 51-vjeçari.
Sekuestrohet 1 sasi lënde e dyshuar narkotike, kokainë, e ndarë në doza gati për shitje.
Sektori për Hetimin e Narkotikëve i DVP Fier, në kuadër të megaoperacionit “Tempulli”, pas një pune të mirëfilltë policore dhe bazuar në informacionet e siguruara nga inteligjenca policore, kanë goditur një tjetër rast të shitjes së dograve të forta në doza. Për këtë rast u kap dhe u vu në pranga shtetasi 51 vjeç, banues në fshatin Barbullinjë, Lushnjë.
Nga kontrolli i ushtruar në lokalin e këtij shtetasi, në fshatin Barbullinjë, shërbimet e Policisë, i gjetën dhe sekuestruan doza të lëndës së dyshuar narkotike, kokainë, gati për shitje.
Në cilësinë e provës materiale u sekuestrua lënda narkotike dhe 2 aparatë celular.
Materialet procedurale i kaluan Prokurorisë për veprime të mëtejshme.”, thuhet në njoftimin e policisë.