Rruga e Durrësit në kryeqytet është bllokuar . Disa djem të rinj janë shfaqur të maskuar, me motorra dhe makina “G Class”.
Ata kanë bllokuar rrugën duke mos lejuar që makina të tjera të kalojnë. Ndërkohë, nuk dihet arsyeja, por mendohet që djemtë po xhirojnë një videoklip të një kënge të re të rrymës ‘hip-hop’.
Bllokime të tilla janë bërë të zakonshme në kryeqytet, ku persona të papërgjegjshëm nuk marrin parasysh interesat e përdoruesve të tjerë të rrugës, ndërsa policia rri e bën sehir se si individë apo grupe të rinjsh me sjellje prej banditi sundojnë qytetet shqiptare.