Peshengritësja e Apolonise Kleopatra Saliaj vazhdon te thyej rekorde kombetare, duke dominuar peshengritjen e femrave ne Shqiperi.
Peshëngritja është bërë prej kohësh një disiplinë femërore, por gjithsesi në Shqipëria janë të pakta vajzat të cilat zgjedhin këtë sport duke numëruar rreth 30 sportiste. Njëra prej tyre është 17-vjeçarja Kleopatra Saliaj. Peshëngritësja nga Fieri e quan një pjesë të jetës së saj këtë sport. “Bëj rreth 6 orë stërvitje në ditë. I kam lënë gjitha vetëm për këtë sport, është bërë një pjesë e jetës time dhe nuk mund ta lë pas dore”, tha Kleopatra Saliaj.
Në Kupën e Shqipërisë e zhvilluar sot , Kleopatra Saliaj arriti të thyejë rekorde kombëtare. “Presim shumë, se Kleopatra do të sjellë një medalje në Shqipëri, europiane apo botërore”, tha trajneri Ilir Kafarani.
Garat e Kupës së Shqipërisë ishin edhe një test para Kamponatit Europian që do të zhvillohet në muajin Prill në Gjeorgji.