Nga Bedri Zenel Islami
Kanali i Suezit është hapur në kohën kur shtetin e madh të Egjiptit e sundonte dinastia e shquar shqiptare e Mehmet Ali Pashë Shqiptarit.
Shqiptarët në shekuj kanë lënë gjurmë të çuditshme dhe të mrekullueshme në histori, madje sipas një paradoksi historik, ende të pasjeguar, kanë lënë gjurmë shumë më të mëdha në historinë e popujve të tjerë.
Mehmet Ali Pashë Shqiptari , themelues i Egjiptit modern, erdhi në pushtet në vitin 1805, kishte lindur në një familje nga Durrësi, e cila, më pas, u shpërngul në qytetin bregdetar të Kavallës në Greqi.
Ai kishte një karierë marramendëse dhe familja e tij në vitin 1841 u shpall dinasti mbretërore.
Po çfarë lidhje kishte peshkopi shqiptar nga Shkodra, Luigj Çurçija me kanalin e Suezit.
Pak vetë e dinë, por Meshën e Bekimit të hapjes së Kanalit të Suezit e ka bërë peshkopi shqiptar nga Shkodra, Luigj Çurçija, Vikar i papës, i cili me urdhër të Papës dhe i deleguar i tij, bëri bekimin e bashkimit të ujrave të Detit Mesdhe dhe Detit të Kuq, pikërisht me 19 nëntor, ora 17, në vitin 1869.
Pra, Bekimi i Bashkimit të Ujrave dhe Hapjes së Kanalit është bërë nga një peshkop shkodran, shenjë e virtytit dhe urtësisë së fisit të shquar.
Interesante do të ishte të gërmohej në arkivat përkatëse, nëse Bekimi i Bashkimit të detrave nga një peshkop shqiptar ishte kërkesë e sundimtarëve shqiptarë të Egjiptit, apo një zgjedhje e papatit të Romës.
Piktori francez Jean leon Gerome, i pranishëm në hapjen e kanalit, ka bërë 15 piktura të mëdha me temën e shqiptarëve në Egjipt, ku ndër më të rëndësishmet janë , “Garda Shqiptare në Kajro”,
Shqiptari duke tymosur nargjile
Shqiptarët luajnë shah,
Rrugë në Kajro me shqiptarë,
Shqiptarët duke kaluar me karvanë shkretëtirën,
Shqiptarët në kajro,
Portreri i oficerit shqiptar,
Shqiptarët që trnasportojnë me një varkë në Nil në të burgosur,
Një oficer shqiptar,
Shqiptarët duke u falur në xhami, etj.
Sidoqoftë , ajo që mbetet ende është Bekimi i Madh i peshkopit shqiptar në Kanalin e Suezit.
Postime te ngjashme
Add A Comment