Peshkopi/ Socialistët propozojnë gjashtë kandidatë për kryetar bashkie

Ditën e sotme Asambleja e Partisë Socialiste Dibër ka propozuar gjashtë kandidatë për kryetar bashkie.
Agron Cerri, kryetari i PS-së Dibër, Alma Selami, mësuese në këtë qytet, Agron Cara, kryetar i PS njësia administrative Peshkopi, Arben Keshi, drejtor i Llixhave Dibër, Shkëlqim Murrja, kryetari aktual i Bashkisë Dibër dhe Sokol Sava, kryetar i Këshillit Bashkiak Dibër do t’i dërgohen Kryesisë së PS-së për miratim.
Burime pranë strukturave të PS-së Dibër bëjnë me dije se kryesia ka të drejtë të shqyrtojë dhe miratojë si kandidat të mundshëm edhe persona të tjerë.
Në Bashkinë Dibër do të mbahen zgjedhjet e parakohshme pasi ish- kryetari Dionis Imeri kandidoi për deputet, por nuk fitoi.