Nënkryetari i LSI-së, Petrit Vasili i ftuar mbrëmjen e sotme në emisionin “A Show” ka treguar disa të pathëna për jetën e tij politike.
Ndër të tjera ai ka rrëfyer se pse e la drejtimin e LSI-së.
Vasili gjithashtu tregoi se ka qenë kryeministri Rama ai që ka ngulur këmbë të bashkohet me LSI në 2013.
“Racionalizim të fuqive për një rol që se kishim pasur më parë. Tani pozicionoheshim me objektiva të tjera. Nuk është njësoj si të jesh në bashkëqeverisje dhe të dalësh prej saj. Kjo situata e re kërkonte organizim të fortë, një qasje tjetër për gratë dhe të rinjtë ku absolutisht s’mund të kishte një alternativë të dytë më të mirë se zonja Kryemadhi.
Ne ishim të prerë dhe të qartë për jo. Rama e ka bërë deklaratën publike, e quajti aleancën strategjike. Ishte sakrificë e madhe e LSI të bënte aleancë me të, me një personazh të kriminalizuar”, tha Vasili.