Ish-deputeti socialist Piro Lutaj i cili u la jashtë listave për deputet nga Rama në 2017, shpreson se me ndryshimin e sistemit do të mund të rikthehet në parlament. Përmes një postimi në Facebook, Lutaj shkruan se qytetarët nëpër Shqipëri nuk kanë nevoje për të vetëquajturit “Profesor”, por as për ata që nuk janë askushi dhe ju përgjigjen qytetarëve se vijnë nga “qarqet akademike” dhe nuk janë shefa kuadri.
“Të dashur miq deputetë, ish-deputetë dhe kushdo tjetër që kërkon të kandidojë dhe të jetë deputet, lërini gërr-vërret dhe shkoni tek qytetarët!
Aty është forca e kujtdoqoftë që pretendon sa peshon dhe kë përfaqëson!
Qytetarët nëpër Shqipëri nuk kanë nevoje për të vetëquajturit Profesor, por as për ata që nuk janë askushi dhe ju përgjigjen qytetarëve se vijnë nga “qarqet akademike” dhe nuk janë shefa kuadri!
Mirënjohje pa fund për gjithësecilin që e pranon, e miraton dhe e voton nismën për listat e hapura”, shkruan Lutaj. /tirananews.al
