Pylli i Sodës është kthyer në një vend jo të sigurtë për të qarkulluar me mjet. Kjo për shkak të pemëve të llojit pishë, të dëmtuara ndër vite të cilat rrëzohen përtokë nga momenti në moment.
Një tjetër rast ka ndodhur mëngjesin e kësaj të shtune, ku një pishë ka rënë në segmentin rrugor që lidh Vlorën me Nartën dhe Zvërnecin.
Në Pyllin e Sodës ndër vite kanë munguar projektet për pastrimin e pyllit nga drurët e dëmtuar apo ata që rrezikojnë të bien. Kjo gjë ka bërë që dhjetëra pemë të bien çdo muaj duke u kthyer në rrezik për automjetet.