Gjykata e Posaçme e Apelit për Korrupsionin dhe Krimin e Organizuar ka liruar nga qelia Erind Agalliun, i arrestuar në qershor të vitit 2025 në kuadër të një hetimi të SPAK për një grup që dyshohet se trafikonte drogë nga Spanja dhe Holanda drejt Finlandës.
Shkalla e dytë e gjyqësorit pranoi ankimin e paraqitur nga mbrojtja e tij dhe ndryshoi vendimin e Shkallës së Parë, duke zëvendësuar masën e sigurisë “arrest në burg” me “arrest në shtëpi”.
Vendimi u mor këtë të hënë nga gjyqtari Engert Pëllumbi. Sipas tij, Agalliu do të qëndrojë në banesën e tij dhe nuk lejohet të largohet prej saj, ndërsa SPAK është ngarkuar me ekzekutimin e vendimit.
Agalliu u arrestua në qershor të vitit të kaluar, ndërsa çështja penale ndaj tij vijon të jetë në fazën e hetimit nga Prokuroria e Posaçme.