Një person është plagosur ditën e sotme në Tiranë, në zonën e ish-Kompleksit Dinamo. Mësohet se kanë qenë më shumë se dy persona të cilët u futën në një lokal të zonës, me armë, e më pas qëlluan drejt një 20-vjecari. Mësohet në tavolinë kanë qënë tre persona. Bëhet e ditur se pas plagosjes një nga autorët është larguar nga lokali me një mjet tip ‘x5’.
Për momentin nuk dihet ende identiteti i të plagosur dhe as gjendja e tij shëndetësore. Policia ka shkuar në vendngjarje dhe ka nisur hetimet për zbardhjen e plotë të rrethanave të ngjarjes.