Një 16-vjeçar ka mbetur i plagosur me thikë këtë të diel në Fier.
I plagosuri është dërguar me urgjencë drejt spitalit rajonal të Fierit.
Policia ka ngritur postblloqe në hyrje-daljet e qytetit për të bërë të mundur kapjen e autorit të ngjarjes, i cili u largua pas plagosjes.
Njoftimi i Policisë:
Plagosi me mjet prerës (thikë) një bashkëmoshatarin e tij, shërbimet e Policisë vijojnë punën për kapjen e 16-vjeçarit.
Rreth orës 19:20, në vendin e quajtur “Zogu i zi”, Fier, dyshohet se një shtetas 16 vjeç, për motive të dobëta, ka goditur me mjet prerës (thikë), një bashkëmoshatarin e tij 16 vjeç, i cili ndodhet në spital, në kujdesin e mjekëve.
Shërbimet e Policisë po punojnë për kapjen e autorit.
Grupi hetimor vijon punën për zbardhjen dhe dokumentimin e plotë ligjor të këtij rasti.