Një 20-vjeçar ka mbetur i plagosur me thikë mbrëmjen e sotme në Sarandë, pas një sherri me disa persona të tjerë.
I plagosur ka mbetur Aurel Shino, i cili është goditur me thikë poshtë brinje, në anën e majtë të trupit, ndërsa ngjarja u regjistrua në rrugën “Turizem – Kanali i Cukes”.
I riu ishte punonjës parkimi në një kompleks turistik. Edhe pse i plagosur, ai ka tentuar të shkojë me mjetin e punës për në spital, por nga plagët e marra, është ndalur rreth 1 km nga vendi ku ndodhi konflikti.
Aty, ai është marrë nga një makinë e rastit, që e ka dërguar për në urgjencë.
Policia ndërkohë është vënë në dijeni për ngjarjen dhe ka nisur hetimet.