Një person është plagosur me thikë mbrëmjen e së martës në Sarandë.
Policia tha se ngjarja ndodhi në lagjen nr.1, të qytetit ku dyshohet se gjatë një konflikti të çastit për motive të dobëta, shtetasi Denito Ruçi ka plagosur me mjet prerës (thikë) shtetasin Mariglen Duro, 38 vjeça i cili ndodhet në spital, jashtë rrezikut për jetën.
Shërbimet e Policisë ndodhen në vendngjarje dhe vijojnë krehjen e zonës për kapjen e autorit të dyshuar.
Grupi hetimor vijon punën për zbardhjen e plotë të rrethanave të ngjarjes.