Një minator ka mbetur i plagosur paraditen e kësaj të shtune, teksa është aksidentuar gjatë punës në një subjekt minerar në Bulqizë.
Mëspohet se i plagosuri është 45-vjeçari Vahid Neziri, i cili është me detyrë vagonist në minierë. Ende nuk dihen rrethanat se si ka ndodhur aksidenti në minierë.
Raportohet se i plagosuri Vahid Neziri është transportuar drejt spitalit të Traumës në Tiranë, për ndihmë mjekësore më të specializuar dhe aktualisht ndodhet jashtë rrezikut për jetën.
Grupi hetimor po punon për zbardhjen e rrethanave të kësaj ngjarjeje.