Vetëm pak orë ka zgjatur arratia e Augert Zerës, 35-vjeçari i cili plagosi me armë zjarri komshiun e tij, ngjarje e ndodhur mëngjesin e sotëm në Durrës.
Policia njofton se ka gjetur dhe sekuestruar edhe armën e zjarrit të përdorur nga i riu.
Njoftimi i policisë:
Vihet në pranga autori i plagosjes Augert Zera 35 vjeç. Sekuestrohet dhe arma e zjarrit.
Korrespondenti i Panorama.al raporton se konflikti mes tyre ka nisur pasi 43-vjeçari Altin Sulku po punonte në shtëpinë e tij.
Fqinji i tij, Augert Zera i ka shkuar në shtëpi duke i kërkuar të mos bëjë zhurmë. Pasi konfliktit verbal, 35-vjeçari mori armën dhe ka qëlluar në drejtim të Sulkut.