Policia ka dhënë detaje nga plagosja e 19 vjeçarit në Shkodër, natën e ndërrimit të viteve. Sipas bluve të Shkodrës, i riu ka shkuruar rreth orës 21:00 të datës 31.12.2022, afër një objekti kulti në fshatin Boks, me një armë zjarri pistoletë me vete, për të qëlluar në ajër. Aty ka qenë edhe një 15-vjeçar dhe disa shtetas të tjerë të mitur.
Ai i ka dhënë armën qe mbante me vete 15-vjeçarit që të qëllonte edhe ai në ajër. Por në momentin që i riu ka dashur t’ia rimarrë pistoleten, arma është shkrepur aksidentalisht edhe për pasojë është plagosur në këmbë 19 vjeçari me iniciale S. P.
Ai u vendos në pranga për veprën penale “Prodhimi dhe mbajtja pa leje e armëve luftarake dhe municioneve”, ndërsa për 15 vjeçarin nisi procedimi në gjendje të lirë, pas konsultimit me prokurorin, për veprën penale “Plagosja nga pakujdesia”.
Njoftimi i policise:
Specialistët për Hetimin e Krimeve të Komisariatit të Policisë Shkodër arrestuan shtetasin S. P., 19 vjeç, për veprën penale “Prodhimi dhe mbajtja pa leje e armëve luftarake dhe municioneve”, si dhe nisi procedimi në gjendje të lirë, pas konsultimit me prokurorin, për një shtetas të mitur 15 vjeç, për veprën penale “Plagosja nga pakujdesia”.
Nga veprimet hetimore rezultoi se në fshatin Boks të njësisë administrative Postribë, shtetasi S. P., rreth orës 21:00 të datës 31.12.2022, ka shkuar afër një objekti kulti në fshatin Boks, me një armë zjarri pistoletë me vete, për të qëlluar në ajër.
Në këtë vend kanë qenë edhe 15-vjeçari dhe disa shtetas të tjerë të mitur. Shtetasi S. P. i ka dhënë armën e zjarrit 15-vjeçarit, që të qëllonte edhe ai në ajër.
Në momentin që shtetasi S. P. ka dashur t’ia marrë armën 15-vjeçarit, arma është shkrepur aksidentalisht edhe për pasojë është plagosur në këmbë shtetasi S. P.
Shërbimet e Policisë kanë gjetur dhe sekuestruar në vendin e ngjarjes një armë zjarri pistoletë, të cilën e mbante pa leje shtetasi S. P.
Grupi hetimor, nën drejtimin e Prokurorisë, po vijon veprimet për dokumentimin e plotë ligjor të ngjarjes. Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.