Plagosja e policëve, Rama: Goditje nga dy parti të verbuara në rrugën e vetëshkatërrimit

Kreu i qeverisë Edi Rama ka shprehur mbëhstetjen për punonjësit e policisë të cilët janë plagosur në protestën e sotme të organizuar nga opozita. Përmes një postimi në twitter, Rama shkruan se kjo dhunë ndaj efektivëve të policisë është tregues i një politike të dëshpëruar, pa kokë. ”Solidaritet me çdo punonjës policie që në ditë si kjo, duhet të përballet me ekseset fizike të një politike të dëshpëruar, pa kokë, pa drejtim, pa të nesërme! Keqardhje për policët e plagosur nga goditjet qorre të dy partive të verbuara, që marshojnë në rrugën e vetëshkatërrimit”, shkruan Rama