Një efektiv është arrestuar pasi dyshohet se është përfshirë në trafikun e drogës pas oferacionit të antidrogës mbrëmjen e së enjtes (21 mars) në kryeqytet ku mbeti i plagosur Enea Sulejmani.
Agjencia e Mbikëqyrjes Policore raporton se është ndaluar efektivi Ervis Shkurta, i cili mësohet se ka lidhje të ngushtë shoqërore me njërin prej personave të arrestuar.
Dyshohet se polici 38 vjeçar ka qenë pjesë aktive e sigurimit të kushteve për tregtimin e lëndës narkotike prej 1 Kg e dyshuar kokainë, që u gjet brenda në mjet, si dhe ka patur dijeni të plotë për personat dhe vendin ku do ndodhte shkëmbimi i lëndës narkotike.
Ai u arrestua si i dyshuar për veprën penale “Prodhimi e shitja e lëndëve narkotike”, e kryer në bashkëpunim.