Një 60-vjeçar është plagosur me armë zjarri në Mamurras. Mësohet se ngjarja ka ndodhur pranë një njësie tregtare ndërsa shënjestra është 65-vjeçari Myslim Lika. Ky i fundit mësohet se ka marrë plagë të rënda në trup. 60- vjeçari është dërguar në spitalin e Traumës në Tiranë. Nga urgjenca në Mamurras dyshohet se plumbi e ka prekur në zemër.
Kurbin/Informacion paraprak
Rreth orës 13:25, në Mamurras,Kurbin, në rrethana ende të paqarta është plagosur me armë zjarri shtetasi M.L.,60 vjeç,banues në fshatin Gjorëm,Kurbin i cili është transportuar në spital dhe ndodhet nën kujdesin mjekësor, paraprakisht jashtë rrezikut për jetën.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.