Një plagosje mes të rinjve ka ndodhur ditën e sotme në qytetin e Vlorës. Mësohet se në pranga ka përfunduar një 25-vjeçar, me inicialet A.H, pasi ka goditur me mjet prerës personin me inicialet S.V. Policia informon se i riu, banues në fshatin Rromës, i ka thyer edhe xhamin e makinës të lënduarit. Ky i fundit ndodhet në spital jashtë rrezikut për jetën. 25-vjeçari akuzohet për veprat penale “Plagosja e rëndë me dashje” dhe “Shkatërrimi pronës”.
NJOFTIMI I POLICISË:
Specialistët e Hetimit të Krimit në Stacionin e Policisë Selenicë arrestuan në flagrancë për veprat penale “Plagosja e rëndë me dashje” dhe “Shkatërrimi pronës”, shtetasin A. H., 25 vjeç, banues në fshatin Rromës, bashkia Selenicë, pasi ka goditur me mjet prerës (thikë), shtetasin S. V., i cili ndodhet jashtë rrezikut për jetën, si dhe i ka thyer atij, xhamin e automjetit. Materialet i kaluan Prokurorisë, për veprime të mëtejshme.