Në një kohë që Sali Berisha kërkoi dje që votimi të bëhet me detyrim, një skandal ka plasur brenda garës së primareve në Partinë Demokratike në Tiranë. Një prej kandidatëve, Fatmir Merkoçi ka denoncuar pazaret që po bëhen për nxjerrjen e kandidatit për Bashkinë e Tiranës. Sipas tij, kandidatët e tjerë, po dërgojnë njerëz duke premtuar vende pune në këmbim të votës ose me shprehjen “Është miku i filanit”.
“Votën T’uaj e kërkoj drejtpërdrejt, jo duke ju dërguar sms në cel, as duke ju dërguar njerëz për votën me shprehjen se. Kështu është orjentimi i qëndrës, as se është miku i filanit , as me premtime për vënde pune”, thekson Merkoçi.
Në media është përfolur se kandidati i preferuar i Berishës është Belind Këlliçi, çka e la të nënkuptuar edhe Berisha pak ditë më parë duke deklaruar se kandidaturat politike kanë pasur më sukses në zgjedhje.
