Policia ka vijuar me gjobat ndaj qytetarëve për mosvendosjen e maskave.
Pas vendimit të qeverisë për ta bërë mbajtjen e maskës të detyrueshme edhe në ambiente të hapura, pjesa më e madhe e qytetarëve është bindur, por ka patur edhe nga ata që e kanë shkelur këtë vendim.
Sipas njoftimit të policisë, janë gjobitur me 3000 lekë të reja 356 qytetarë që nuk mbanin maskë, ndërsa janë shoqëruar në komisariat 7 persona, të cilët pasi kanë paraqitur dokumentin e identifikimit janë ndëshkuar me masën administrative 3000 lekë dhe janë lënë të lirë.