Ky sezon veror përkon me rritjen e çmimeve të ndikuara nga lufta, që ka prekur edhe sektorin e turizmit. Pas debateve për rritjen e çmimeve në zonën e Sarandës, kryeministri Edi Rama ka postuar foto nga plazhet publike, që nga Pllakat deri në Ksamil.
“Mirëmëngjes, dhe me këto pamje të plazheve tërësisht publike përgjatë bregdetit të Sarandës, nga Pllakat deri në Ksamil, të mirëmbajtura e të pastruara nga bashkia dhe pa asnjë pagesë për pushuesit, ashtu si plot të tilla përgjatë vijës bregdetare të Shqipërisë, ku po zhvillohet sezoni më i pastër e më i mirë organizuar turistik, ju uroj një ditë të mbarë”,-shkruan Rama në facebook.