Kryeministri Edi Rama ka zhvilluar këtë të premte takim me studentët e Universitetit të Gjirokastrës. Pasi përfundoi fjalën e tij dhe erdhi radha e pyetjeve, që jo rrallëherë e zënë ngushtë Ramën.
Kështu ka ndodhur dhe në këtë takim ku një studente e cila njëkohësisht ishte kryefamiljare kërkoi përgjysmim të tarifave dhe për kategorinë e saj. Kryeministri Rama iu përgjigj se i kishte kthyer përgjigje që të drejtohej tek portali Shqipëria që Duam, por këtu doli zbuluar.
“Jo, nuk më ke kthyer përgjigje, po gënjen”, më pas ka ndërhyrë ministrja e Arsimit Besa Shahini e cila kërkoi të vendoste kontakte me studenten për të zgjidhur problemin e saj.
Pjesë nga debati:
Studentja: Të kam nisur 3-4 mesazhe dhe nuk më ke kthyer përgjigje. Si i bëhet për kategorinë tonë që jemi studentë dhe kryefamiljarë dhe nuk marrim asnjë ndihmë nga shteti, se me keni përjashtuar dhe nga ndihma sociale. Unë jam nënë e një fëmije, dhe studimi është një e mirë për familjen time.
Rama: Të kam kthyer përgjigje, dhe të kam thënë që të shkruash te platforma për Shqipërinë që duam
Studentja: Jo nuk me ke kthyer përgjigje, po gënjen, nuk më ka ardhur asnjë mesazh nga ju
Rama: Ne nuk i kuptojmë të gjitha teknalitetet ndaj të them që të shkruash aty, po këtu ke dhe ministren dhe mund ta diskutosh me të këtë shqetësim.