Policia e Korçës ka vënë në pranga një 66-vjeçar si dhe ka bërë të mundur parandalimin e përshkallëzimit të një konflikti mes tij dhe djalit.
Sipas policisë është marrë njoftimi se në fshatin Drenovë po ndodhte një grindje në familje dhe se i zoti i shtëpisë kishte armë. Ata janë nisur menjëherë drejt adresës së dhënë duke ndërhyrë menjëherë.
Në pranga është vënë 66-vjeçari P. Th., por gjatë kontrollit iu gjet një pushkë, municione lufarake dhe pajisje shpërthyese. Ndaj tij tashmë rëndon akuza e dhunës në familje dhe armëmbajtje pa leje.
NJOFTIMI
Parandalohet përshkallëzimi i mëtejshëm i një konflikti në një familje.
Arrestohet në flagrancë 66-vjeçari, i cili posedonte pa leje në banesë armë zjarri, pajisje shpërthyese dhe municione luftarake.
Shërbimet e Komisariatit të Policisë Korçë, pas marrjes së njoftimit se në fshatin Drenovë kishte konflikt në një familje, dhe se i zoti i banesës posedonte armë zjarri, kanë shkuar menjëherë në adresën e dhënë dhe falë veprimeve të shpejta parandaluan përshkallëzimin e konflikit, që mund të sillte pasoja të rënda për jetën.
Policia ka arrestuar në flagrancë shtetasin P.Th.,66 vjeç, i cili po konfliktohej me djalin e tij.
Gjatë kontrollit në banesën e këtij shtetasi, Policia gjeti dhe sekuestroi në cilësinë e provës materiale një armë zjarri pushkë, municione luftarake, si edhe pajisje shpërthyese.
Materialet në ngarkim të tij, i kaluan Prokurorisë së Rrethit Gjyqësor Korçë, për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit”.