Punonjësi i bashkisë së Peqinit, 58-vjeçari F. R., gjatë punës së tij, duke krasitur pemët në lagjen “Xhami”, është rrëzuar aksidentalisht. Si pasojë e dëmtimeve të rënda, ai ka humbur jetën në spital.
Ngjarja ka ndodhur rreth orës 09:30. Sipas policisë, grupi hetimor ndodhet në vendngjarje dhe po kryen veprimet hetimore për zbardhjen e rrethanave të ngjarjes.
“Rreth orës 09:30, dyshohet se gjatë punës për krasitjen e pemëve në lagjen “Xhami”, është rrëzuar aksidentalisht, punonjësi i bashkisë, shtetasi F. Rr., 58 vjeç, banues në Peqin. Si pasojë e dëmtimeve, ai ka humbur jetën, në spital”, thuhet në njoftim.