Rritja e çmimit të naftës ka dëmtuar edhe sektorin e peshkimit në Durrës. Shumë peshkatarë ankohen se nuk po përballojnë dot kostot.
Në një deklaratë për mediat, kreu i sindikatës së peshkimit, Klodian Kapiti shprehet se edhe pse peshkatarët po e blejnë karburantin me çmimin ndërkombëtar të bursës, shumë nga kompanitë e hidrokarbureve në vend abuzojnë.
Më tej, ai shtoi se aktualisht ky sektor furnizohet me naftë me çmimin 180 lekë të reja /litër, shumë më i lartë sesa çmimi që përllogarit flota e peshkimit për të qenë eficente.
Në një bisedim që kanë patur me Ministrinë e Financave dhe atë të Bujqësisë, peshkatarët janë dakordësuar që flota e peshkimit ta blejë karburantin me 40 lekë më pak.