Dy shtetas, të akuzuar se kanë ndihmuar emigrantët e paligjshëm në vendin tonë, janë arrestuar këtë të martë në Gjirokastër.
“Ll., 40 vjeç, banues në Laç dhe P. M., 29 vjeç, banues në Tiranë, ishin shpallur në kërkim, pasi në datën 18.12.2021, në bashkëpunim me shtetasin E. M. (i ndaluar më parë), në vendin e quajtur “Ura e Lumit”, Gjirokastër, po transportonin me dy automjete, 9 emigrantë të paligjshëm, dhe pasi shërbimet e Policisë Rrugore i kanë bërë shenjë për të ndaluar, ata nuk i janë bindur urdhrit të tyre, por janë larguar me shpejtësi duke braktisur mjetet”, thuhet në njoftim.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.