Një person është gjendur i pajetë ditën e sotme i hedhur në një kanal në Pogradec. Viktima është i moshës 50 vjeç dhe policia njofton se nga konstatimet paraprake, nuk janë parë shenja dhune në trupin e tij.
Njoftimi i policisë:
Më datë 30.03.2022, rreth orës 10:00, jemi njoftuar se në fshatin Buçimas, Pogradec, në një kanal, është gjetur trupi i pajetë i një shtetasi rreth 50 vjeç.
Nga këqyrja paraprake e trupit, nuk janë konstatuar shenja dhune apo dëmtime të tjera.
Grupi hetimor po punon për identifikimin e viktimës dhe zbardhjen e rrethanave dhe shkaqeve të vdekjes së tij.