Gjatë javës së kaluar, Policia e Shtetit ka ndërmarrë një operacion të gjerë për të ndëshkuar çdo drejtues mjeti që shkel rregullat e qarkullimit rrugor. Si duket, synimi i policisë kanë qenë veçanërisht makinat luksoze pasi shpesh ka ankesa se pre e ndëshkimeve dhe gjobave bien vetëm njerzit e thjeshtë.
Vetëm gjatë javës së kaluar mësohet se janë hequr 115 patenta dhe u vendosën 6 932 gjoba, me një mesatare prej 990 gjobash në ditë.
Ky nivel gjobash ëstë relativisht shumë i lartë dhe një reagiom i tillë i uniformave blu vjen në një moment kur policia ka vënë rregullin e bllokimit të makinës nëse gjoba nuk paguhet brenda muajit.
Sakaq, bëhet me dije se janë bllokuar 10 mjete luksi, për mungesë dokumentacioni dhe me targa të huaja, të cilat i kanë kaluar për verifikime të mëtejshme Seksionit Kundër Trafiqeve të Paligjshme në DVP Tiranë.
Ndërkohë, raportohet se janë tërhequr 32 leje qarkullimi, për detyrime të papaguara, si dhe janë hequr 12 palë targa të skaduara.
Gjobat e vëna gjatë javës së kaluar:
– 73 masa për drejtim mjeti nën ndikimin e pijeve alkoolike;
– 128 masa për mosrregullim të shpejtësisë/gara shpejtësie;
– 115 për xhama të zinj;
– 325 masa për parakalime të gabuara;
– 1037 masa për përdorim të aparatit të celularit gjatë drejtimit të mjetit;
– 559 masa për mosvendosjen e rripit të sigurimit;
– 116 masa për mosvendosjen e kaskës mbrojtëse;
– 93 masa administrative për mungesë siguracioni;
-3188 masa administrative për qëndrim/pushim të gabuar të mjetit;
– 1298 për shkelje të ndryshme.