Policia e Kosovës ka arrestuar tre të rinj që dyshohet se dhunuan rëndë imamin e fshatit Lupç i Poshtëm të Podujevës, Zeqir Berishën.
“Personi i lënduar Z.B. mashkull, është dërguar për tretman mjekësor, ndërkohë që njësitet policore të Podujevës menjëherë kanë filluar ndërmarrjen e verimeve operativo-hetimore dhe kanë arritë të arrestojnë tre persona të dyshuar”, ka njoftuar Policia.
Mbrëmë, rreth orës 22:00, policia mori informacion se në fshatin Lupç i poshtëm të Podujevës, u gjet një person i lënduar rëndë, ku u konstatua se bëhej fjalë për imamin Zeqir Berisha.