Fieri është “blinduar” nga forca të shumta të policisë të cilat kanë zbarkuar në terren.
Grupe kontrolli të përbëra nga Forcat e Ndërhyrjes së Shpejtë, Struktura e Hetimit në drejtorinë e Policisë Fier, oficerë e agjentë të krimeve në Komisariatin e Policisë Fier dhe patrulla e përgjithshme kanë ngritur disa postblloqe në disa pika kryesore të qytetit.
Automjetet luksoze e ato te dyshuara janë ato që ndalohen më tepër, ndërsa vihen re edhe kontrolle automjetesh e kontrolle trupore të drejtuesve të tyre e pasagjerëve.
Burime të sigurta pranë policisë së Fierit kanë bëre me dije se fokusi është tek kapja e personave në kërkim, atyre që mund të kenë armë zjarri apo atyre që tentojnë të shpërndajnë lëndë narkotike.