Ka qenë një surprizë mjaft speciale ajo e Policisë së Shtetit ndaj një fëmije në Bathore, i cili ka ëndërr që të jetë pjesë e kësaj strukture. Uniformat blu i kanë bërë një vizitë Kevinit dhe i kanë dhuruar atij disa dhurata, ndërkohë që nuk kanë munguar as mesazhet ndaj drejtuesve të mjeteve.
Përmes një posti të shpërndarë në faqen zyrtare, Policia e Shtetit shprehet se tashmë drejtuesit e makinave duhet të bëjnë kujdes. Kevini do të ketë detyrë që të monitorojë rregullat e qarkullimit duke mos kursyer edhe gjobat për shkelësit e ligjit. Veç lodrave si makina policie, atij iu dhurua edhe uniforma e Policisë së Shtetit së bashku me mjetet e tjera të patrullimit.
“Kevini është një djalë fantastik që jeton në Bathore, Tiranë dhe është polici më i ri në Shqipëri 😍 Bëni kujdes tani se Kevini është shumë i dashur dhe nëse shkelni rregullat e qarkullimit rrugor do ju gjobisë me plot dashuri dhe lumturi 🥰 Falenderojmë Ministria e Brendshme dhe Drejtorinë e Përgjithshme e Policisë së Shtetit që i realizuan dëshirën Kevinit 🤶🏻🎅🏼 #PoliciaQeDuam #BehuBabagjyshi #BeSanta #BabagjyshiSekret #SecretSanta #Beso #Dhuro #Gezo #Lumturo #Frymezo”, thuhet në postin e shpërndarë nga Policia e Shtetit.